ek pal jo humaara khud ka hai
uspe hi nazaar teri kyu aati hai
ek tinka sa khud se hi churaaya tha
woh phir lutta hai toh jaan jaati hai
lekin ye jazira bawandar mein
doob jaayega gar apne ashq na ruke
ab aasra hai toh us mitti ka hai
kahin sehra se ye lehrein laati hai
jo khul ke chalaa baazaaro mein
toh bik gayi izzat sach ki bhi yahaa
chaar aane mein gaz bhar rang safed
hai ek budhi bewa jo chillati hai
itni hi mehek thi gar kasturi mein
toh khusbu teri kyun hai ab tak yahaa
jab kuch dekhne ko hota hai nahi
toh tu hi nazar kyu aati hai
apne qaid ki saari hi deewaaro pe
tune yeh lakirein kyu kheenchi hai
kaafi der parast insaan tha yahaa
kismat kaafi pehle hi likhi jaati hai
kya rog hua hai tujhe ae vaid bataa
ki teri hi dawaa tujhe jhonk degi
rang khoon ka sab hai laal hi toh
ye nabz neeli kyu ho jaati hai
kashish thi ya kashmakash unki
jo tere liye hi sirf woh jee na sake
saara samandar jagah pe rukta hai
aur yeh nadi hai ki behti jaati hai
